影片
更多
2010-02-25
5 浏览
农历新年，约了家人亲戚到凤城饮茶。早一天订了位，果然系正确的决定，因为这里地方其实不大，如果无订位walk in的话，好彩的话或者都会有位嘅，唔好彩的话就实要等啦。话晒在open rice睇见呢度的食评都系好多人赞，极少人弹，所以对这里食物的期望都好大，唔系都唔会约家人同亲戚来试啦，可是......真系希望愈大，失望愈大嘞！首先，呢度真系太多人帮衬啦，早一日打电话去订位，本来想食晏d，饮下午茶，但系呢度过左2点钟就无茶市，无点心吃。无所谓啦，book早d啦，又话要喺个半钟内交枱，只可以由11点半食到1点钟。无所谓啦，个半钟头都够食架啦，但系呢度d点心因为系即叫即蒸，所以有d点心都等得较耐。无所谓啦，d点心好食咪得啰，但系呢度d点心只系有d较好，有d就唔系好掂。好似过年点心猪脷烧卖咁，就整得唔错，但系另一味过年点心发菜猪手，d猪手就只系麻麻地啫。而最差嘅就系以为会好正嘅「虾饺」，d虾饺皮实在太厚啦，影出来嘅相系完全见唔到入面d虾同肉嘅，只系见到一团白色唔透明嘅饺皮（可以睇相）。话晒都有四个人，食点心又点够吖，除左点心外，另叫左个上杂汤伊面（上杂即系海鲜㖞），味道算系过得去啦。终于食完一餐
话晒在open rice睇见呢度的食评都系好多人赞，极少人弹，所以对这里食物的期望都好大，唔系都唔会约家人同亲戚来试啦，可是......真系希望愈大，失望愈大嘞！
首先，呢度真系太多人帮衬啦，早一日打电话去订位，本来想食晏d，饮下午茶，但系呢度过左2点钟就无茶市，无点心吃。
无所谓啦，book早d啦，又话要喺个半钟内交枱，只可以由11点半食到1点钟。
无所谓啦，个半钟头都够食架啦，但系呢度d点心因为系即叫即蒸，所以有d点心都等得较耐。
无所谓啦，d点心好食咪得啰，但系呢度d点心只系有d较好，有d就唔系好掂。好似过年点心猪脷烧卖咁，就整得唔错，但系另一味过年点心发菜猪手，d猪手就只系麻麻地啫。而最差嘅就系以为会好正嘅「虾饺」，d虾饺皮实在太厚啦，影出来嘅相系完全见唔到入面d虾同肉嘅，只系见到一团白色唔透明嘅饺皮（可以睇相）。
话晒都有四个人，食点心又点够吖，除左点心外，另叫左个上杂汤伊面（上杂即系海鲜㖞），味道算系过得去啦。
终于食完一餐，己经差唔多1点，系时候要交枱，酒家里面已经有唔少人在等位等吃。唉！今次真系几失望下。
唯有安慰自己，下次来食晚饭，试下呢度d招牌菜--------酿蟹钳、乳猪生肠、炸子鸡等，再见呢度的真章吧！
张贴
