影片
更多
2018-07-11
309 浏览
两公婆带住BB食嘢，呢处地方细细但装修几有心思，环境都算舒适。主要系食日式串烧有另其他锅物同煲仔饭。自问不是臭米气嘅人，时间亦尚早，饭就免了。叫咗一堆串烧同炸物小食，两口子叹下啤。先来炸池鱼仔同鸡块，鸡块好脆都唔鞋口，一啖一旧，池鱼有惊喜㖞~ 表层香口，有鱼味，都系一啖一条，点下蛋黄酱，食得好过瘾。薯条系粗身嘅，有咬口，啱炸起热辣辣，配厨师调较香草mayo, 唔错。串烧叫咗牛舌，鸡肾，鸡心，鸡肉棒，芦笋，银杏，墨鱼仔，羊架，全部都有水准㖞! 重点讲下，牛舌厚切，唔韧有牛味，不过盐多咗少少。芦笋清甜无渣脆口，系靓货。羊架，我唔食羊，睇老公食，见佢咬得好轻松，佢话烧到呢个净返微粉红嘅成数口感都好软熟。要推介免治鸡肉捧，一旧几大旧下，咬落好丰富，软滑鸡肉加鸡软骨，食到响口卜卜声，调味几好味，唔会过咸，配埋个加咗鲜蛋黄嘅酱油，浸下碌下沾晒响个面重香滑，我女人仔食一旧食咗差唔多成10分钟。啤酒呢，佢地嘅draught 系比较少地方有嘅Suntory premium lager, 我同老公一黑一白，一人一杯，两款都几好饮，属清爽顺喉类，配我哋叫嘅嘢食，系very good。我哋食到成枱清XD呢处重
主要系食日式串烧有另其他锅物同煲仔饭。
自问不是臭米气嘅人，时间亦尚早，饭就免了。
叫咗一堆串烧同炸物小食，两口子叹下啤。
先来炸池鱼仔同鸡块，鸡块好脆都唔鞋口，一啖一旧，池鱼有惊喜㖞~ 表层香口，有鱼味，都系一啖一条，点下蛋黄酱，食得好过瘾。薯条系粗身嘅，有咬口，啱炸起热辣辣，配厨师调较香草mayo, 唔错。
串烧叫咗牛舌，鸡肾，鸡心，鸡肉棒，芦笋，银杏，墨鱼仔，羊架，全部都有水准㖞!
重点讲下，牛舌厚切，唔韧有牛味，不过盐多咗少少。芦笋清甜无渣脆口，系靓货。
羊架，我唔食羊，睇老公食，见佢咬得好轻松，佢话烧到呢个净返微粉红嘅成数口感都好软熟。
要推介免治鸡肉捧，一旧几大旧下，咬落好丰富，软滑鸡肉加鸡软骨，食到响口卜卜声，调味几好味，唔会过咸，配埋个加咗鲜蛋黄嘅酱油，浸下碌下沾晒响个面重香滑，我女人仔食一旧食咗差唔多成10分钟。
啤酒呢，佢地嘅draught 系比较少地方有嘅Suntory premium lager, 我同老公一黑一白，一人一杯，两款都几好饮，属清爽顺喉类，配我哋叫嘅嘢食，系very good。
我哋食到成枱清XD
呢处重有好多whiskey ,清酒同手工啤咁，下次无同BB同行，可以慢慢饮，就来再试其他嘢。
总括来讲，呢处食物唔错，店员都好友善，店内播轻快悠扬嘅Jazz Music, 系个同朋友饮下酒倾偈嘅好地方。
张贴
