影片
更多
2017-03-13
525 浏览
世紀位處中環心臟地帶，樓上啲食肆向來迫爆，今日誤打誤撞落左嚟，發現咁多位嘅.... 即時諗緊係咪中左伏點心有signature嘅小新款式/蛋蛋家族/火星系列，同埋都有一般點心嗌嘅。不理不理左衛門奶黃流沙包，唔係睇開小新漫畫點會識佢？？兩隻造型係幾好，成品穩定唔走樣，不過索價$49兩隻（仲加一架喎）流沙餡唔夠咸香，但個餡質地係ok嘅，熱辣辣流出嚟。安格斯牛肉腸，腸粉皮好厚，包住生菜絲同牛肉，啲牛肉勁似打邊爐啲肥牛，唔係話唔好食，但冇乜腸粉嘅感覺。炸雲吞，樣又唔係特別吸引，兩粒眼係糖嚟，唔會食，包法卷埋再摺埋，變左個皮幾層一齊食，皮還皮餡還餡，唔夠一般包法咁鬆脆。仲有炒左個飯，好普通，$69大大碟食得飽咁解。值唔值真係見人見智，如果係小新fans嘅話，為影相純啅頭係ok嘅，一人食百幾二百蚊啦。如果為飲茶/食點心嘅就唔洗嚟呢度，正正經經揀間酒樓好過😌
點心有signature嘅小新款式/蛋蛋家族/火星系列，同埋都有一般點心嗌嘅。
不理不理左衛門奶黃流沙包，唔係睇開小新漫畫點會識佢？？兩隻造型係幾好，成品穩定唔走樣，不過索價$49兩隻（仲加一架喎）流沙餡唔夠咸香，但個餡質地係ok嘅，熱辣辣流出嚟。
安格斯牛肉腸，腸粉皮好厚，包住生菜絲同牛肉，啲牛肉勁似打邊爐啲肥牛，唔係話唔好食，但冇乜腸粉嘅感覺。
炸雲吞，樣又唔係特別吸引，兩粒眼係糖嚟，唔會食，包法卷埋再摺埋，變左個皮幾層一齊食，皮還皮餡還餡，唔夠一般包法咁鬆脆。仲有炒左個飯，好普通，$69大大碟食得飽咁解。
值唔值真係見人見智，如果係小新fans嘅話，為影相純啅頭係ok嘅，一人食百幾二百蚊啦。如果為飲茶/食點心嘅就唔洗嚟呢度，正正經經揀間酒樓好過😌
张贴
