SEDAP惹味馬拉 (已結業)

平时泰国越南菜食得多，反而唔多觉有马拉菜，极其量都净系见过肉骨茶唔经过都唔知，屯市开左间专食马拉菜既餐厅，价钱平仲好多地道野拣。好似炒粿条，听就听得多，但真心未试过。椰浆饭口感烟韧，椰香味十足，比白米饭更易入口最怕巴东牛肉煮到又鞋又韧，呢度既大件又煮到稔身入味，酱汁咸香中带甜，好惹味。咖哩配薄饼绝配，饼皮比饭面索汁力更强，吸收哂香甜可口既咖哩汁，加上口感略微烟韧，好有咬口鸡上髀加鸡腿各一，肉厚鲜嫩，好饱足欣赏米纸卷新鲜炸起，唔会冻冰冰摆到淋哂；外皮酥脆，里面包有猪肉、粉丝、木耳，口感丰富。沙嗲酱甜甜地，加埋花生粒惹味十足；羊肉鸡肉烧到外皮焦香，肉质厚实唔干。仲有唔少特色饮品，斑兰薏米水加左斑兰粉，好香好甜；红豆珍多冰红豆蜜甜，加左滑溜溜口感似河粉既珍多，饮落几特别临尾食多个甜品，估唔到咸咸地既薄饼都可以做甜品底下既系美禄粉同练奶，用黎沾薄饼食，同时食到面粉、可可同奶香，忍唔住食完再食，难怪枱枱都嗌