你妳 (已結業)

今次嚟到呢间专卖台湾特色小食嘅小店买外卖，喺屋企边叹冷气边叹美食。小食店环境行小清新路线，干净企理。食物款式都几多选择，有台湾好出名嘅铁路便当、牛肉面、手作芋泥吐司、三文治、芋圆同台式饮品，价钱亲民。芋见咸蛋黄紫薯吐司卖相好靓，而且份量都好大好重手，吐司软熟，芋泥、紫薯泥同咸蛋黄泥口感软滑，而且味道都几夹，食材嘅味道好出，唔会好甜。吐司加$20可以转套餐，可选择甜不辣拼地瓜薯条或者一口盐酥鸡拼花枝丸，我就拣咗甜不辣拼地瓜薯条，炸到脆卜卜，好香口。饮品系包汽水或者冬瓜茶，另外仲可以加钱叫其他特饮。我就叫咗冻嘅冬瓜茶，清甜消暑，甜度啱啱好，夏天饮一流。酥炸大鸡扒x蜜糖芥茉x芝士吐司鸡扒返到屋企个外皮都仲keep到脆卜卜，鸡扒调味啱啱好。仲有好多配菜，包括，生菜、青瓜同蕃茄，层次分明，配蜜糖芥茉同芝士味道食落唔会油腻。仙草2号里面有鲜草、三色芋圆、小芋圆、水晶等。芋圆口感烟烟韧韧，芋头、番薯同紫薯个味道都好出，仙草滑嘟嘟，$38咁大碗都真系好抵食。