圓方餃子粥麵

营业中

休息中

听过圆方饺子店好多次，今日终于经过深水埗试一试。本身想试西洋菜饺，点知佢落错咗韮菜饺。$28 8只汤饺。可以转5只饺连面底。大食嘅可以选择$28 8只饺，另外加面底加$8。我好钟意食饺，所以拣咗后者。佢个面嘅份量唔算多，饺嘅饀都唔算好丰富。所以叫8只饺再加面底食完都唔算好饱。鱼汤好清，有淡淡鱼味，应该系真材实料，起码我饮哂个汤都无觉得好渴要饮水。韮菜饺无乜特别大惊喜，唯一一点值得讲嘅就系佢嘅韮菜唔系个啲你食完啲韮菜味会keep足三日三夜个只，食完唔会keep住啲韮菜味唔散。煎韮菜饺$17 3只。煎饺size等于2只汤饺。煎饺值得一赞，煎得好脆口，味道对比汤饺浓啲，好食啲。