餃餃餃子 (已結業)

有朋友话有间专门做特式饺子既店、除左传统既饺子之外、仲有好多秘制饺子。好钟意食饺子嘅我又点会错过㖞！虽然红磡就远啲、但好姊妹介绍到就一定要去啦！一坐低就即刻要返杯冻柠蜜先，大大杯又好足够。好够甜大大条蟹肉饺子，饺子嘅皮好薄，蟹柳肉都系贵价果一种，虽然食落同普通嘅饺子一样，但系上菜嘅时候睇到咁长嘅饺子，都好惊喜。日本京都九条葱饺子，食完个蟹柳肉就食返啲蔬菜类嘅饺子试吓先，个饺子皮都一样好薄葱嘅味道好出，钟意食葱嘅朋友可以试吓！ Chaochao 饺子，算系店舖里面较为推荐嘅一款饺子。一盘有八只每只饺子都细细粒，系猪肉馅，饺子皮好脆，一啖食晒好满足，因为份量比较细，所以唔会觉得好油腻。意大利饺子配pesto sauce, 呢个算系一个好新颖嘅饺子款式，都睇到厨师嘅创新尝试，不过个人认为果汁太多，令到饺子皮变得比较林。识落就真系似意大利嘅pesto pasta一样，都几得意嘅呢个系一个甜品嚟嘅个甜品系用饺子整嘅，饺子馅系朱古力，配上一个云呢拿雪糕。 饺子皮非常趣，其实听落好似有啲奇怪，但其实同格仔饼配雪糕很相似。呢个饺子一定要配雪糕食，又热又冻令到个口感好好！