餃掂手工餃子雲吞專門店

环境5分：中式小店格局，楼面超高，内墙贴左人生道理poster，卡位分布响两旁，都算宽敞，筷子响柜桶内，悭位又方便，唔算迫，可以畀五分。卫生5分：每张枱都有盒纸巾同埋调味料架，好干爽唔会黐立立，非常卫生，满分。服务5分： 侍应生快手快脚，唔啰嗦，上菜爽手，半小时内食完走人，满分。味道5分：灼至尊松茸猪肉饺大碗有一打十二只，只只都皮薄馅靓，入面Ｄ猪肉嫩口得黎好实正，证明D肉好新鲜，成只饺好甜，个松茸又香，附送果碗状元九鼎汤呢非常之清，一D都唔油，好饮。2) 煎韭菜猪肉饺大碗有十只，大大只个馅都系咁实正，个皮煎到金黄色，非常有心机，个韭菜味好浓烈好突出好仲好鲜好爽脆同香口，超好味，性价比高。3) 上汤松茸时蔬系菜心，都好多条，粗身得黎冇渣，成条吞得落肚。4) 冻蜂蜜柠檬薏米好清甜好润喉好解渴，一支一个人冇难度。抵食5分：百几蚊一个人一餐饭有正宗饺子，有野饮又有碟菜，性价比非常高，非常抵食，一定满分。