甜記餃子 (已搬遷) 新店位置

呢间饺子店每次经过都想试，但每次都见到好多人排队却步。今日9pm行过见到唔算多人，所以决定一试。等咗半个钟左右就可以入座啦。排队嘅时候已经谂好咗要食乜嘢啦。因为朋友有讲过呢度𠮶啲煎饺比较好食，所以今日一次过就叫咗三款😛首先系芝士粟米鸡肉饺子，因为本身个人都比较钟意食粟米所以一咬佢系有惊喜嘅。佢个饺子皮系好薄，咁所以食落去无咁重粉，系好食好味，加埋佢𠮶个辣菜谱成个口感又即刻提升左。另外仲嗌左菜芯猪肉饺，喺其他饺子铺好似都未见过有菜心饺嘅，咁所以一见到就觉得好特别。咬落口系淋嘅，比我想像中嘅系有啲分别。因为我比较钟意食爽嘅，所以下次都未必会再试呢一款的。但系个味道都系好菜芯味嘅。第三款系西洋菜猪肉饺，一咬落去都系好大浸西洋菜味，好似饮紧西洋菜汤咁，味道唔错嘅。除咗饺子我哋仲叫咗两款小食：口水鸡同埋麻辣鸡肾，𠮶个汁两个系相同嘅。如果钟意食辣又唔想单调净饺都可以试下呢两个小食。最后就系呢度见谢谢都好Nice嘅。因为我哋叫嘅全部都系煎饺，我又想试吓佢嘅汤，咁所以就问咗加汤要几钱，咁佢就话加$4。但唔知系咪因为我哋两个人叫咗五样嘢，食所以佢最后免费送咗俾我。开心！