餃掂手工餃子雲吞專門店

中环食晚餐选择多，丰检由人，今晚想食清清地，于是就去饺掂食饺子，钟意佢有汤饮。住低先叫店员上腌萝卜，又爽开胃又好食。芫茜猪肉饺$59 (10只) 配状元九鼎汤灼饺就有汤送，唔记得叫汤另上，真材实料好好饮。芫茜猪肉饺清新好味， 芫茜份量足够晒香，加埋猪肉鲜味， 绝配。龙凤松茸双灼饺跟汤$92龙凤松茸饺用上黑松露及白松露，皮薄饱满，鲜味十足，带著淡淡松露香，一口饺子一啖状元九鼎汤，爽！大满贯素饺 (中) $48这个灼饺系无汤跟架。主要馅料系时令菇菌、菜苗和瓜类，清清哋又几好食㖞。自家制山楂雪梨水$28右边雪梨水(孕妇不宜)材料有山楂片、雪梨、甘草、冰糖、麦芽等，梨味浓郁，加埋酸酸哋嘅山楂味，开胃又滋润。蜂蜜柠檬薏米水 $28薏米水滋润又清新，美白得嚟又可去水肿饺子餐方便又好味，间中食吓都唔错。