慶麵 (已搬遷) 新店位置

屋企附近嘅餐厅都已经食到闷闷地，就决定不如出大角咀试吓新野啦！两个人就搭巴士出到嚟，本身谂住去奥海城求其揾间嘢食下。点知经过呢间小店，睇吓个餐牌，食碗热辣辣嘅面都好㖞！就决定试吓呢间庆面喇🤗佢嘅餐牌选择唔系话好多，分别有汤面、捞面、冷面同埋一啲点心类食品。我哋两个咁大食，都知道一人一碗面系唔够饱㗎喇！最后带咗两碗面，一个云吞同埋一客小笼包😝大少拣咗呢款巴东牛肋条捞面，小小辣，个牛肋条好入味而且好腍，非常值得一试！我就拣咗红烧猪软骨庆面，食得出个猪软骨唔系交货黎𠮶啲，真系自己煮嘅，软骨唔至于好腍，但系反而有少少咬口仲特别！味道亦都啱啱好，有时好怕红烧嘅嘢食系会好浓味！略嫌个汤就咸咗小小喇😧搞到我要饮多杯茶嚟解系佢嘅咸味。个小笼包真系几惊喜！非常多嘅汤汁喺个小笼包里面，皮薄而且汤靓嘅小笼包唔容易食到。以呢个价钱来讲CP值好高呀！最后叫咗一个净百花云吞汤，口味嘅嘢真系人人唔同，我就好唔钟意食呢个口感嘅云吞，个馅好似食紧一粒墨鱼丸或者虾丸咁，仲要唔系好爽口𠮶只。但系大少就话未食过咁好味嘅云吞，佢就系钟意呢一种嘅口感。所以真系百货应百客啊！汤入面嘅豆卜同埋萝卜都好正，都值得一试嘅！小店嘅位置唔算