餓媽家姐 (已搬遷) 新店位置

哩个时代，任何一间食店都一定要有自己嘅卖点，对于我来讲，饿妈家姐就有两个特点。 🍖 第一个，可能连佢地自己都唔知，就系有黑色同粉红色配搭。当佢地叫紧粉红色火龙果酱做Barbie pink, 我自己已经对号入座将黑色既汉堡包同哩个超抢眼嘅粉红色酱汁，叫左做Blackpink. 对于我地啲死忠blinks黎讲，就系一个应该朝圣的地方。 🍖第二个就系佢嘅食物好多元化，本来只系一间小食店，睇返餐牌，起码有五六十样野。而且种类亦都好唔同，有汉堡包，肠粉，沙律，炸物，迟啲仲有埋乌冬𠮶啲。但系佢控制食材质素真系唔差，我所食既牛肉汉堡，就已经只系六款牛肉配搭嘅其中之一。汉堡扒保持鲜嫩，但又唔会散，咬落去仲有肉汁。而且我选择配搭咗菠萝，块菠萝劲juicy，又好甜，配合埋新鲜嘅生菜，蕃茄同青瓜片， 好 Refreshing。 🍖平时食汉堡包，一般都系配薯条，自选左炸鸡，你都一样喺咁夹，而且炸鸡同汉堡包嘅颜色加埋一齐真系好丰富，亦都系影相呃like既一个好选择。 🍺✨️小小商店，小小厨房，竟然可以做到千变万化，而且高质水准，唔怪得知我喺度等嘅期间，已经有五六组人黎买。以后午餐应该都会好经常来帮衬呢度。