海底撈火鍋 (金巴利道)

营业中

休息中

海底捞系香港开左之后都冇黎过，呢日朋友突然话想食就跟佢去试下!未黎之前都听过呢度服务一流，又有美甲又有表演，不过疫情关系呢晚我地就冇享受到，但店员服务非常好，又主动又勤力。店员介绍凡地叫4宫格，有两格系清水，有两格自选汤底，咁就可以食到鸳鸯锅而又平D!我地就叫左胡椒猪肚鸡火锅同蕃茄火锅。两个汤底浓到可以就咁饮，店员帮我地笔左D牛肉粒同葱，俾我地捞落汤度饮，真系成个味道出哂黎，非常好既介绍!食物系禁IPAD选择，店员会清洁个MON先，令客人用得安心，我地叫左精品肥牛、滑牛肉、双色花枝丸、老油条、牛肉丸、乌冬同皇帝菜、除左双色花枝丸外，我地全部叫半份，估唔到一份既双色花枝丸系咁大份，每条好似蜜糖肠既SIZE，但有好多条，黑白两种色，食落墨鱼味浓，非常好食又抵食!老油条都系比较特别既一味，好似迷你版油炸鬼，浸落D汤度索一索汤劲惹味!推介!肥牛同滑牛都好新鲜，食到浓浓既肉味!特别一提佢地既酱料吧，非常多选择任你配撘，另外仲有一款糖水同汤任饮，同埋D前菜、生果可以食下，虽然呢度唔系放题式任食，但呢个份量咁样食法，真系又满足又劲饱!