吉列牛忌廉烏冬專門店 (彌敦道)

营业中

休息中

好多时间睇电视介绍吉列牛都好想试一试，今次终于有机会黎食。同女朋友极速就点左餐，唔需要考虑太耐，因为主要系食吉列牛。等左一阵食物就送到。份量算多，而且有好多块牛。一开始牛肉较为生，店员提示可以放牛肉在预先准备既火炉上，再自行调节熟既程度。牛肉无论烧成点样，一咬落去都即刻融化，出面既脆浆唔太厚，炸得好脆，果然系招牌菜式。另外女朋友点了一个豚肉釜饭，豚肉食落好似牛肉咁松化。重点系个紫菜用左韩式紫菜，将成个菜既味道提升左唔少，同埋釜底有饭焦，好脆又入味。