天山小館 (已結業)

从来都未食过新疆菜，踏入呢间餐厅，佢嘅装横同餐具，已经令人感觉好有民族嘅味道。嘢食有好多选择，特别系羊肉类。老板娘好热情同详细咁讲比客人听唔同菜式嘅羊味浓淡度，以便我哋可以按照自己可接受嘅程度去选择羊类嘅食物。由于有朋友唔太接受到羊膻味，所以我哋就叫咗个羊肉馅饼试吓先。呢个羊肉馅饼真系好有惊喜，皮又薄又脆，入面嘅羊肉加咗洋葱好香，就连唔食羊嘅朋友都忍唔住试一啖，而且觉得好好食。另外要大赞嘅系佢呢个招牌咕噜肉，炸得好脆，冇乜粉，个汁酸酸甜甜，好开胃。由于食咗佢个咕噜肉觉得好正，所以忍唔住叫埋个士多啤梨骨，好特别，好清甜。最后要讲一讲佢呢杯洛神花茶，夏天饮，消暑一流。