影片
更多
2010-12-11
21 浏览
每次走到中环，经过租庇利街，我必定唔会行中环街市果边；因为白鸰经常聚集于中环街市，我惊行过时会中招！ 通常我行近中环中心果边。由德辅道中转入，沿途，见到翠华，再行前啲就会见到金华烧腊面家；门口红色配金色，十分抢眼！入到去，舖头细细，坐得挤迫！空间感不足！ 坐卡位比较舒服啲，可惜唔多！只有星期六容易揾到卡位坐。店内古式装修，极为吸引我嘅视线！挂灯上有如意结，另一款有趣嘅挂灯，令我想起降落伞！ 只要留意每个细节位，可发现好多新奇有趣事物！ 连卡位椅上都唔放过，有四字成语来儆醒食客一些人生道理！除咗烧腊之外，仲有粉面；分开为两个厨房。起初，我打算食云吞河 $28，但系店名金华烧腊面家，当然要试吓烧腊啦！见到餐牌中有：金华金牌叉烧；所以我即时转軚！叉烧河 $38一会儿，店员将碗河粉放喺我面前。以呢个价钱，俾番同等份量嘅叉烧，有 10 块之多，十分慷慨！ 我无要求叉烧肥定瘦，算系半肥瘦叉烧；感觉上呢度嘅叉烧面比较红一点！睇上嚟颜色鲜明，配合翠绿菜芯，火红火绿！卖相相当吸引！ 称得上金牌叉烧，相信唔会太差！些少肥肉混合之下，叉烧肉食落肉质嫩滑，鲜美多汁！菜芯够新鲜，不但食落够腍，仍保持翠绿！加埋葱
入到去，舖头细细，坐得挤迫！空间感不足！ 坐卡位比较舒服啲，可惜唔多！只有星期六容易揾到卡位坐。店内古式装修，极为吸引我嘅视线！挂灯上有如意结，另一款有趣嘅挂灯，令我想起降落伞！ 只要留意每个细节位，可发现好多新奇有趣事物！ 连卡位椅上都唔放过，有四字成语来儆醒食客一些人生道理！
除咗烧腊之外，仲有粉面；分开为两个厨房。
起初，我打算食云吞河 $28，但系店名金华烧腊面家，当然要试吓烧腊啦！见到餐牌中有：金华金牌叉烧；所以我即时转軚！
叉烧河 $38
一会儿，店员将碗河粉放喺我面前。以呢个价钱，俾番同等份量嘅叉烧，有 10 块之多，十分慷慨！ 我无要求叉烧肥定瘦，算系半肥瘦叉烧；感觉上呢度嘅叉烧面比较红一点！睇上嚟颜色鲜明，配合翠绿菜芯，火红火绿！卖相相当吸引！ 称得上金牌叉烧，相信唔会太差！些少肥肉混合之下，叉烧肉食落肉质嫩滑，鲜美多汁！菜芯够新鲜，不但食落够腍，仍保持翠绿！加埋葱粒，可散发香味！至于汤底，系无味精，以肉类肴制汤底，肴上3个钟，每日如是，真正嘅老火汤。 河粉系雪白软滑，幼身，唔会夹两夹就断，份量唔少，够饱肚！
期间，我无为意隔离枱正是某电视频道访问老板，只见佢哋好好倾，仲听到些少资料！
金华老板系一位白头发嘅伯伯，佢得闲会嚟睇舖。
经营之道：最紧要待客好，保持食物水准，食客会记得呢度食物嘅味道而再帮衬。
期待农历新年后，可以睇到电视播放！
张贴
