影片
更多
2010-05-20
118 浏览
早一阵子师傅好荣幸得到“开饭”嘅邀请出席一个名为 “openrice食家殿堂晚宴”, 得到呢个邀请著实令师傅受宠若惊, 虽然被归纳为资深食家, 但师傅绝对有自知知明, 愧不敢当; 不过难得有咁嘅机会, 适逢当日得闲, 所以就答应出席! 而晚宴地点亦铁定于呢间食店!由于师傅系第一次出席呢类型嘅饭局, 所以心情亦战战兢兢; 预定时间之内到达会场, 由侍应带到去已预订嘅贵宾房, 入到房间内感觉当然系陌生, 可幸有两位美女嘅协助, 安排入坐; 如果师傅冇记错, 两位美女应该叫做Maggie 和 Natalie, 真的衷心谢谢您们! 坐底后还有一份小礼物送给各食家, 师傅起初都唔知系咩, 拆开后原来系一对筷子, 咪好为系一对普通筷子, 其实系一对刻有各食家大名嘅筷子, 呢份礼物真的好有心思!二十人分开两张枱, 十个人张枱, 师傅当然唔知边个打边个, 可幸是每位食家嘅枱前都有一个名牌, 望一望个名牌, 个个名字都系熟口熟面, 同席有鼎鼎大名Smashing Pumkins, 陈真, 揾食能手, Herbert, 美食焚化炉, 菲比熊, Billy, 唔食都知唔好食; 虽知师傅生性低调, 能置身其中
由于师傅系第一次出席呢类型嘅饭局, 所以心情亦战战兢兢; 预定时间之内到达会场, 由侍应带到去已预订嘅贵宾房, 入到房间内感觉当然系陌生, 可幸有两位美女嘅协助, 安排入坐; 如果师傅冇记错, 两位美女应该叫做Maggie 和 Natalie, 真的衷心谢谢您们! 坐底后还有一份小礼物送给各食家, 师傅起初都唔知系咩, 拆开后原来系一对筷子, 咪好为系一对普通筷子, 其实系一对刻有各食家大名嘅筷子, 呢份礼物真的好有心思!
二十人分开两张枱, 十个人张枱, 师傅当然唔知边个打边个, 可幸是每位食家嘅枱前都有一个名牌, 望一望个名牌, 个个名字都系熟口熟面, 同席有鼎鼎大名Smashing Pumkins, 陈真, 揾食能手, Herbert, 美食焚化炉, 菲比熊, Billy, 唔食都知唔好食; 虽知师傅生性低调, 能置身其中感觉十分奇妙同兴奋!
经过一阵热身, 终于到左大厨出现, 大厨喺起菜前分别介绍几道菜嘅名称同煮法, 然后先至开始上菜! 是晚一共有五道菜, 顺序为鹅肝肉酱小丸子, 意大利青瓜花酿龙虾伴鹅肝, 日式牛肉寿司, 炸鸭肝蓝鲸吞拿鱼, 主菜烧羊腿!
未食头盘, 先吃面包; 虽知面包一向都唔系师傅嘅至爱, 仲要系无比坚硬的法式面包, 但说到底还是要试少少, 于是师傅就拣左件稍为软熟, 入口后面包水准一般, 冇特别惊喜, 但令人最失望莫过于面包唔热; 既然如此, 师傅立即转战第一道菜, 头盘有鹅肝肉酱小丸子, 呢道菜卖相几靓, 入口后发觉鹅肝酱香浓, 极度吸引, 而碟底有一块多士亦甚为香脆, 呢个食法其实有少少似多士配鹅肝酱, 作为第一道菜算是不赖!
接住落黎就系意大利青瓜花酿龙虾伴鹅肝, 呢道菜卖相好靓, 成大朵花, 而伴碟系蒸蛋, 入口劲滑, 加上入口后浸出浓浓嘅龙虾味, 绝对有提高食欲, 而意大利青瓜花入口后基本上食唔出系咩, 有少少似芥兰, 可以啦; 而个花心较为特别, 皆因内里酿左龙虾肉, 但师傅觉得入口略嫌干身, 而且食唔出有鹅肝, 整道菜够特式但未算出色!
日式牛肉寿司分别有两款, 一款烧一款炸, 炸嘅寿司师傅觉得冇咩特别, 望埋去唔油但入口都算几腻, 口感立即骤降; 而烧嘅寿司牛肉比较香, 而且饭身比较松软, 唔会散但唔会硬, 但都系冇咩特别, 作为间场亦可以理解; 接住就系炸鸭肝蓝鲸吞拿鱼, 炸鸭肝师傅都系第一次食, 鸭肝炸得香脆, 入口即溶, 但略嫌油腻, 师傅觉得鸭肝配上油炸似乎并不适合; 蓝鲸吞拿鱼外面用紫菜包住, 蓝鲸吞拿鱼肉质颇松, 入口唔腥, 感觉不错!
其实食左四道菜后, 师傅都饱左八八九九, 最后当然仲有主菜烧羊腿要试啦, 所以几饱都要食, 羊腿系拆晒骨, 成件都系肉, 拆左骨系非常可取, 师傅十分欣赏; 而羊肉都几肥, 但咁肥亦不见得酥香, 似乎差左少少; 师傅反而欣赏伴碟嘅茄子, 茄子烧得香腍, 作为中和羊肉𠮶份肥腻嘅感觉确实不错, 但整个主菜未见有甚么惊喜!
未讲甜品前, 师傅再讲下是晚嘅两款酒, 一红一白嘅配搭系意料中事, 头几道菜最主要配以白酒为主, 白酒酒身太新, 酸味过盛, 未能令人开胃, 师傅就不太欣赏; 而红酒最主要系配主菜, 红酒酒身亦系较新, 未算太干身, 而且单宁较重, 所以比较涩口! 最后甜品系鸭肝焦糖梳乎里同朱古力雪皅, 众所周知师傅一向对甜品都不甚喜爱, 但见咁特别所以点都要一试; 鸭肝焦糖梳乎里卖相可以, 但入口后真系唔知吐出黎好定吞下去好, 味道真的怪怪的, 师傅食左一啖就扯白旗, 再回与四个字『不伦不类』! 朱古力雪皅反而黎得简单, 容易接受!
总括黎讲食物水准,可以, 服务殷勤, 地方就舒适, 价钱就唔知, 不过喺师傅以消费者角度去睇, 唔使钱当然叫抵食, 但如果要钱, 是晚会系几钱一位呢? 心想都要三旧水呱, 若然师傅猜对就真系唔抵食喇! 师傅首次现身开饭饭局, 感觉是几开心, 最难得系可以认识到咁多位食家, 所以师傅系会比笑脸的! 最后衷心再次多谢开饭的盛意邀请!
张贴
