baby café (已結業)

今日晚餐真心唔错! 小弟第一次嚟到，晌唔知点D咩好嘅情况下，见到餐牌有唔少baby推介食物，心想推介嘅应该唔太差啦! 就点咗几款食物试试。全间餐厅设计都以baby为主，连Menu都有佢嘅样，好精致。热带水果冰红茶味道同柠檬茶差不多，加咗橙、菠萝、荔枝等水果，唔太甜，饮落好冰凉，最啱家下D咁热嘅时间饮。卡邦尼椰菜米粉鸡卷，一界开旧椰菜卷，入面就系米粉，食落有D中菜Feel嘅味道，不过个汁就的确唔错，好浓郁芝士味。拔丝鸡翼有4只，肉质好嫩，鸡翼都沾上麦芽，有少少痴牙，甜甜地几好食。菠萝烧汁西班牙黑豚扒配紫薯卖相唔错，黑豚扒好大份，肉又唔韧，其实块猪扒已腌过，唔加旁边D烧汁都够味，而烧菠萝好甜，一D都唔酸。要推介系个紫薯，简直顶瓜瓜，超滑口，又够浓紫薯味，可以话系入口即溶。打开餐牌个阵，已见到烤大菇蟹肉意大利饭好似几吸引，嚟到时真系唔错。上层劲多蟹肉汁，配合烧得刚刚好嘅烤大菇，味道好夹。Risotto 有少少烟韧，味道亦好Creamy又唔腻。