一生懸麵

营业中

休息中

之前去过九龙湾店几次，最近知道旺角原来都有分店。一生悬面真系好出名，九龙湾分店要排队之外，旺角店都排左长长人龙，不过好彩15分钟就入得。鸡白汤拉面($95)一生悬面嘅拉面系用幼身嘅面，面身可以拣唔同硬度。我就比较喜欢标准，面食落烟烟韧韧有咬口。拉面汤底味道浓郁有洋葱味，配慢煮豚叉烧、慢煮鸡叉烧同流心蛋，唔错！広岛県の牡蛎沾汁面 - 旺角店期间限定 ($138)配料非常丰富，有主角炙烧广岛蚝、炙烧叉烧、慢煮豚叉烧、慢煮鸡叉烧，烧洋葱同半熟蛋。广岛蚝涨卜卜，两边都煎香左，完全无腥味。沾面汁好重蚝味同洋葱香味，味道好鲜甜。唐扬炸鸡($35)炸鸡有五件，肉非常嫩滑，但外皮又炸到十分香脆。啖啖肉嘅感觉，真系好正。鸡软骨棒 ($29) 呢个棒之前系九龙湾分店已经食过，实在太出色，所以今次要翻兜！咁高质素嘅拉面同小食，每人百几蚊就食到，性价比真系极高。