奔之食堂 (已結業)

话说都好耐冇蒲尖沙咀嘅我最近先发现新太阳终于装修好，成个场唔同哂之外仲多咗唔少食店，而其中一间系先前改咗名嘅奔之食堂，即系以前嘅犇之食堂，亦系继铜锣湾店后第一间九龙区嘅分店，想食嘅朋友唔洗过海喇.师大香酥排骨卤肉饭份量都几大份，卤肉量够哂多，作为卤肉饭控呢个冇乜野好挑剔啦，排骨都炸得好香口，如果再松软多少少就完美；眷村红烧牛肉面虽然系红烧但其实辣度唔算高，只系BB辣我都食到果只，但又几惹味下，牛肉系牛𦟌位原切但都煮得好腍几高质.犇之极品拼三宝就有台式香肠/糯米肠/鸡米花，台肠系原条打直切半几过瘾，鸡米花就似细粒肉嫩版嘅X乐鸡咁一粒一啖好香口，基本上有个糯米肠其实可以当系主食xD 仲好咗眷村牛肉卷葱饼，冇谂过作入面都系塞牛肉面啲厚切肉入去，而且煎得够哂香口，仲有佢有樽来自台湾嘅爱之味甜辣酱任点，一点即刻返咗台湾咁好正呀