影片
更多
2023-02-05
65 浏览
2023年1月19日 星期四终于返多几日工就到新年，可以好好地休息放下假，老婆仲特登预约左餐厅今晚带我去食添原来餐厅位于铜锣湾，一搭lift上到去就好似置身于剧院咁样，装修好有特色，感觉似系百老汇嘅剧院咁入到去真系哗咗一声出黎，冇谂过一间餐厅可以装修到好似剧场咁，中间有个好大嘅舞台，灯光同音响都好专业，十分有气氛，店员仲话原来每晚7点半开始都会有唔同主题嘅表演项目，叫我地好好期待一下之后店员再俾左一张宣传单张我哋，话2月14日晚上开始仲会有由詹瑞文监制同主演嘅舞台剧演出，系香港第一个5D沉浸式歌舞美食剧场，到时舞蹈员同演员会喺观众席之间表演，听落好吸引咁，因为从来冇谂过香港可以一边食饭一边观赏舞台剧，仲要咁近距离添，再睇一睇单张上面写嘅价钱，大约每人$1680，可以有齐味觉、视觉、听觉既感受，红馆演唱会都未必做得到，搞到我都想心思思预约睇吓系咩嚟好快我哋就点左餐，饮品等左几分钟就送到黎先，系la catrina moscato，属于意大利嘅气泡酒之一，我哋每人一杯，平时老婆都比较少饮酒，因为唔钟意太抢喉同难入口，反而呢一款佢接受到，可能易入口，而且甜甜哋，饮完都唔会觉得好快醉之后有食物
原来餐厅位于铜锣湾，一搭lift上到去就好似置身于剧院咁样，装修好有特色，感觉似系百老汇嘅剧院咁
入到去真系哗咗一声出黎，冇谂过一间餐厅可以装修到好似剧场咁，中间有个好大嘅舞台，灯光同音响都好专业，十分有气氛，店员仲话原来每晚7点半开始都会有唔同主题嘅表演项目，叫我地好好期待一下
之后店员再俾左一张宣传单张我哋，话2月14日晚上开始仲会有由詹瑞文监制同主演嘅舞台剧演出，系香港第一个5D沉浸式歌舞美食剧场，到时舞蹈员同演员会喺观众席之间表演，听落好吸引咁，因为从来冇谂过香港可以一边食饭一边观赏舞台剧，仲要咁近距离添，再睇一睇单张上面写嘅价钱，大约每人$1680，可以有齐味觉、视觉、听觉既感受，红馆演唱会都未必做得到，搞到我都想心思思预约睇吓系咩嚟
好快我哋就点左餐，饮品等左几分钟就送到黎先，系la catrina moscato，属于意大利嘅气泡酒之一，我哋每人一杯，平时老婆都比较少饮酒，因为唔钟意太抢喉同难入口，反而呢一款佢接受到，可能易入口，而且甜甜哋，饮完都唔会觉得好快醉
之后有食物陆续送出，呢一个系法国蓝青口，上面有几块脆卜卜既脆面包，酱汁几浓郁，用脆面包点黎食就岩晒，青口煮得岩岩好，全部都离晒壳，配清酒蒜片一齐食有少少辣，几惹味
呢个时候舞台既表演就准备开始，呢一晚系音乐之夜，请左嘉宾黎唱唔同语言嘅歌曲，仲可以点歌添，音乐同声量都好高质，听出耳油
然后有厚烧豆腐，上面加咗木鱼同花瓣，卖相唔错，而且豆腐一咬落去热辣辣，d烟飘晒出嚟，外皮脆口而里面仲系嫩滑，相信好考厨师嘅功夫
呢一个系免治鸡肉棒，店员提议可以捞匀生鸡蛋同酱汁先，食嘅时候再点酱汁一齐食，所以味道好丰富，生鸡蛋令到酱汁冇咁咸，同免治鸡肉好夹，可惜得一条，我哋两个好快就食晒
再嚟有盐烧鸡颈肉同烧鹿儿岛和牛串，烧得好香，唔需要点酱汁都已经好够味，和牛好腍又多肉汁，上面加少少青柠汁再食感觉会冇咁油腻，鸡颈肉有咬口，一d都唔韧之后有烤大虾柚子沙律，大虾俾柚子包围住，虾肉好弹牙又多大只，加埋柚子一齐食，酸酸地几开胃
黎到主菜，有慢煮烤西班牙乳猪配法色热情果酱，系餐厅推介菜式，店员话乳猪用咗12小时慢烤，所以做到外脆内软，脂肪同肉嘅比例好平均，一切就断开，食落去入口即融，配埋热情果酱一齐食，感觉会冇咁腻，而且伴碟仲有烧菠萝，菠萝外层仲有焦糖，酸酸甜甜可以解腻
另一个主菜就系冬阴功意粉，冇谂过冬阴功可以用来整意粉，味道几特别，唔算太辣，有泰国风味，而且意粉好弹牙，仲有两只大虾都入晒味
最后有甜品拼盘，分别有朱古力、蕨饼同团子，唔算太甜又可以清一清味蕾，为呢一餐作一个完美嘅总结
张贴
