胡爐 (已結業)

呢间打边炉既鲜椰青鸡锅好特别。店员会上左装著鲜鸡件、椰子条等等既铜锅，同埋一个开左口既椰青先，然后会现场系客人面前炒鸡，炒既时候香气扑鼻，椰子味好浓，令人食欲大振，之后店员会倒少少料酒（具体系咩酒就唔太清楚）入锅，再用火机点燃，成个锅就会燃起蓝紫色既火焰，视觉效果惊艳。最后店员会倒入椰青水淋熄火焰同埋作为汤底，煮开之后打开特别香，系打边炉之前可以饮左煲汤先，汤味鲜甜，清新暖胃，鸡肉滑嫩。食完就可以请店员加汤打边炉了。打边炉既嘢就中规中矩，唔够锅底咁惊喜，不过食材都好新鲜。飞弹牛非常推荐，牛味好浓，肉质软嫩。小食老友鬼鬼都几好食，外皮香酥，内里柔滑，好香口。