隨心 (已搬遷) 新店位置

呢间舖头长期openrice榜上有名，今日走去一是究竟。相对而言，午餐同下午茶真系比较经济，晚餐呢就略嫌有少少贵啦。餐厅主打星加坡菜，咁就一定要试吓佢嘅喇沙汤底。喇沙同我喺马来西亚食嘅一样，有两种面底包括米线同米粉，由于两种面嘅质地唔相同，所以食落去个口感会相对丰富一啲！呢碗喇沙嘅椰汁量较多，同时间个汤底会比较滑。鱼蛋相当弹牙，豆卜索晒椰汁汤底超级好味！另外仲叫咗一个炒贵刁，睇张相都知道佢吵得几有镬气，条条分明，而且唔会太咸！餐厅仲要用咗竹碟上菜，加添左视觉效果！见到隔离枱叫咗串烧又觉得好吸引，所以二话不说就叫多一份串烧（隔离饭总系香啲～）串烧就比较干身锁唔到肉汁，同埋餐厅只系得猪同埋鸡，冇牛呢个选择，就有少少失望啦。但总括而言，系一餐超级满意嘅大餐。