影片
更多
2016-05-27
3453 浏览
虽然「罗勒」贵为米芝莲推介餐厅，但因为个人本身唔喺好信啲乜乜指南、乜乜杂志推介，所以，今晚同亲友嚟到食饭，都喺听啲相熟嘅食友介绍，价位唔高，又够正宗 。餐厅位处北角地铁出口则，非常方便。甫进入餐厅，印度风情唔算好强，但换嚟却喺有股气派、华丽嘅装修，全场都喺布梳化椅，让人坐得舒服。而最有印度嘅象征，当然喺一众印度藉嘅员工啦！佢哋无免费清水供应，所以，要饮就要开枱上支维他蒸馏水，盛惠$10。翻开餐牌，第一样嘢见到就喺店家获米芝莲连续两届嘅推介餐厅封号，有无机会更上一层楼，就要拭目以待。餐牌内嘅菜式，以类别划分包括有小食、印度丈炭烧铁板、鸡类、羊类、牛类、海鲜类、咖喱素食、印式烤饼、饭类、印式甜品。而饮品则印晌另一页餐牌上，有唔少餐酒选择，啤酒、汽水、果汁、奶昔都有供应，当然印度饮品自不然唔少得。睇匀餐牌，二人套餐就最划算（$278 + 10%），连埋加一都喺三百多啲啲就有前菜、主菜、印度烤饼、印度饭，餐饮更包埋泰象啤或印度乳酪特饮 。前菜喺一碟过一拼送上嘅咖哩角及香烧鸡。 咖哩角 三角锥体嘅咖喱角喺常见嘅印度小食，通常都喺包住薯仔、蔬菜、青豆之类，唔似我哋港式咁包吓肉。咖哩角炸得香
餐厅位处北角地铁出口则，非常方便。甫进入餐厅，印度风情唔算好强，但换嚟却喺有股气派、华丽嘅装修，全场都喺布梳化椅，让人坐得舒服。而最有印度嘅象征，当然喺一众印度藉嘅员工啦！
佢哋无免费清水供应，所以，要饮就要开枱上支维他蒸馏水，盛惠$10。
翻开餐牌，第一样嘢见到就喺店家获米芝莲连续两届嘅推介餐厅封号，有无机会更上一层楼，就要拭目以待。
餐牌内嘅菜式，以类别划分包括有小食、印度丈炭烧铁板、鸡类、羊类、牛类、海鲜类、咖喱素食、印式烤饼、饭类、印式甜品。
而饮品则印晌另一页餐牌上，有唔少餐酒选择，啤酒、汽水、果汁、奶昔都有供应，当然印度饮品自不然唔少得。
睇匀餐牌，二人套餐就最划算（$278 + 10%），连埋加一都喺三百多啲啲就有前菜、主菜、印度烤饼、印度饭，餐饮更包埋泰象啤或印度乳酪特饮 。
前菜喺一碟过一拼送上嘅咖哩角及香烧鸡。
咖哩角 三角锥体嘅咖喱角喺常见嘅印度小食，通常都喺包住薯仔、蔬菜、青豆之类，唔似我哋港式咁包吓肉。咖哩角炸得香脆唔油腻，咖喱嘅香味嚟得含蓄，惹味少少，可以沾一点薄荷乳酪酱，味道更清爽。
香烧鸡 即喺天多尼烤鸡，印度菜常见嘅烧烤菜式，取鸡脾位，以多种香料、乳酪腌制，够晒入味之余，肉质又嫩，加上火候控制好，外层带点焦香；并已经一开二，方便二人分享，记得有朋友打趣咁讲，天多尼烤鸡就好似我哋斩料咁家常嘅菜式。
玛莎拉羊 记得有位食友讲过，玛沙拉喺混合多种具芳香性嘅香辛料所做，喺印度料理嘅万能香料，用咗玛沙拉煮出嚟嘅羊肉，会变得香而不膻，加上少少辛辣，刺激惹味；而啲羊肉煮得好够腍，果真膻味唔重（其实，小弟喺食得膻嘅），至于个汁底稀杰度啱啱好，香味有层次，无论捞饭，抑或揾烤饼蘸，同样咁正 。
什菜咖喱 咖喱内主要都喺啲椰菜花、什菜之类，个咖喱无玛莎拉咁香，但同样几浓郁，而辛辣度不惶多让，以烤饼伴住嚟食就最好不过。
蒜蓉烤饼 一客烤饼有4大件，净食会带点蒜香，蘸咖喱唔使多讲就梗喺一流；仲有记得趁热食，否则，一摊凉就会变韧，无咁脆口。
印度炒饭 啲印度米最大特色就喺幼身修长，饭质黏黏绵绵，个炒饭又做得干身，加入咗少少香料煮，但点都喺捞埋咖喱食最正斗！
玛莎拉羊及什菜咖喱嘅汁底确实好味，捞埋个印度炒饭都仲有剩，一于追加多一客烤饼点尽佢。烤饼嘅味道有好多选择，如千层饼面包、干果椰子烤饼……，我哋就想试试个黑松露烤饼，因为见佢唔贵，只卖$28。
黑松露烤饼 $28 烤饼之上见到点点黑松露酱，下嘅份量唔多，但仍散发出点点幽香。先净食，烤饼依然入口外脆内韧，而松露味属隐约含蓄，不过，之后沾上咖喱就明显会冚咗，所以，如果点依款烤饼，小弟觉得一啖烤饼，就一啖羊肉或什菜，唔好直接沾上咖喱。
芒果拉昔 当然讲嘅唔喺美式雪糕加落牛奶度嘅奶昔啦，印度嘅芒果拉昔（Mango Lassi）喺颇出名嘅特饮，单单只用鲜芒果肉跟乳酪打成，芒果味香浓，渗出乳酪嘅酸香，味道讨好，甜与酸都够平衡。不过，加咗冰，饮到尾段会走样。
罗勒做嘅咖喱真喺确有一手，如果唔喺都唔会连碟底嘅汁都捞埋，再者，难得贵为米芝莲推介嘅餐厅，定价都仍然好亲民，就算主餐牌散点菜式，亦都唔贵！
张贴
