一杯屋 (已結業)

位于铜锣湾嘅居酒屋一杯，环境贯切日式风格，部份座位更有屏风作为间隔，同朋友倾计时能保持一定嘅私隐度，好适合三五良朋聚会聊天。一杯屋以炭火烤物闻名，今日特登黎捧下场。先点一串豚肉串烧，豚肉嘅表面烧得轻微焦脆，肥瘦均匀，咬落充满肉汁同油分，好惹味！再来一客上寿司卷物拼盘，寿司选用左时令鱼生片制作，创作寿司色彩缤纷卖相精致吸引，而且鱼生片十分鲜甜味美。法国芥末籽酱牛柳定食，炭烧牛柳果然非同凡响，浓郁嘅炭烧味香气四溢，配上自家调制嘅芥末籽酱，味道更上一层楼。值得一赞嘅系呢度嘅服务态度非常好，员工经常主动过黎斟茶，又会耐心地讲解每道菜式。