會所1號 時尚康山

营业中

休息中

今日借左朋友张card 带母亲大人黎叹茶～～佢平时多数去酒楼饮特价早茶，今次就试下d 靓地方。环境阔落，服务效率非常高，收碟仲超快手。✨雪岭叉烧包：个包好松脆，叉烧饀饱满多汁，加埋面头甜甜地既糖霜几好食。✨萝卜糕：以为系煎，原来系蒸既添。萝卜糕几滑几足料，唔会系得d 粉浆。入面有粗身萝卜条，虾米，腊肠粒， 如果口感可以结实d 会更加好，而家感觉稍为腍左d~✨芝麻鱼酥：叉烧酥食得多，鱼酥未试过。 呢个酥皮唔会太厚几香几松化，入面既饀有d 似鱼肉，但质感系比较软绵绵，味道几清爽。✨蟹籽烧卖皇： size 唔算好大粒，不过食落都几弹牙同有肉汁，如果多d 虾就更加好。✨黑松露带子炆饭： 炒饭食得多，炆饭好少听。不过呢个真系是日最爱。个饭超多汁同入味，粒粒米饭都散发阵阵既黑松露香气。个饭虽然多汁，但饭粒唔会过腍😍带子仲系超多同好弹口。好钟意个饭劲多葱同埋爽口既菜粒，有较口之余仲好香。