影片
更多
2017-01-10
80 浏览
首先讲下环境 ，座位虽然唔多 ，但系坐落好舒服 ，唔会逼住逼住咁 。厨房系用开放式嘅设计 ，坐系位度都会闻到阵阵香味！第一样系《脆多士 烧菠萝配云呢嗱雪糕 $69》- 啲菠萝系菲律宾菠萝仲经过处理 ，食落果然系唔会好似一般热带生果咁食到好痕 ，卖相真系好吸引 ！面头有啲棉花糖粒同原块菠萝 、多士唔系一大件要自己切开 ，系有分开成几旧 方便到客人食 ，多士好香好脆 ，但系个多士边稍为硬咗少少 。配上云呢嗱雪糕同cream ，一冻一热真系配搭得好好 ，不过分量就有啲饱肚 ，两个人share就应该啱啱好啦！《雾之花卷 $49 》 - 有三个唔同嘅味道 ，今次我地就试咗薰衣草同香芋 。有一件薰衣草卷 、香芋雪糕同一杯薰衣草茶 。呢个系用咗法国薰衣草 薰衣草卷面层有薰衣草粒 ，卷心系香芋cream ，入口薰衣草同香芋唔会抢咗大家个味 ，仲好夹添 ！香芋雪糕有好香嘅芋头味 ，只味好出 ，比平日嘅香芋雪糕嘅味重好多 ！食完个蛋卷再呷一啖薰衣草茶 ，呢个combination好夹 ，如果个卷可以薄啲就更好啦！《甘酒 (冻)玫瑰配云呢嗱雪糕 $46 》 - 呢款虽然系日本传统甜品 ，但改良过甜度之后都有
厨房系用开放式嘅设计 ，坐系位度都会闻到阵阵香味！
第一样系《脆多士 烧菠萝配云呢嗱雪糕 $69》- 啲菠萝系菲律宾菠萝仲经过处理 ，食落果然系唔会好似一般热带生果咁食到好痕 ，卖相真系好吸引 ！面头有啲棉花糖粒同原块菠萝 、多士唔系一大件要自己切开 ，系有分开成几旧 方便到客人食 ，多士好香好脆 ，但系个多士边稍为硬咗少少 。配上云呢嗱雪糕同cream ，一冻一热真系配搭得好好 ，不过分量就有啲饱肚 ，两个人share就应该啱啱好啦！
《雾之花卷 $49 》 - 有三个唔同嘅味道 ，今次我地就试咗薰衣草同香芋 。有一件薰衣草卷 、香芋雪糕同一杯薰衣草茶 。呢个系用咗法国薰衣草 薰衣草卷面层有薰衣草粒 ，卷心系香芋cream ，入口薰衣草同香芋唔会抢咗大家个味 ，仲好夹添 ！香芋雪糕有好香嘅芋头味 ，只味好出 ，比平日嘅香芋雪糕嘅味重好多 ！食完个蛋卷再呷一啖薰衣草茶 ，呢个combination好夹 ，如果个卷可以薄啲就更好啦！
《甘酒 (冻)玫瑰配云呢嗱雪糕 $46 》 - 呢款虽然系日本传统甜品 ，但改良过甜度之后都有啲唔同 。店主话每一日都要花十二小时嘅时间酿制 ，温度仲要控制系60-70度之间 ，所以系一款好花心思嘅甜品黎呀 ！加上玫瑰汁系淋系云呢嗱雪糕上面， 玫瑰味好特别 ，但系就可以多返啲 ，但个甘酒实在太好味 ，就咁食已经好正啦!
张贴
