越色牛肉粉餐廳 (已結業)

又要系尖沙咀揾食，午饭时间真系揾食艰难，行去亚士厘道睇下有咩食，见好耐冇食越南野，就试下啦，要搭䢂上2楼，一上到去就见到餐厅门外好多人排队，探头入去餐厅睇睇，地方好大亦都好多张枱，但真系全场爆满，咁睇黎应该质素有d 保证仲有时间，就拎飞等下啦，2人坐应该好快既，等左5分钟左右就有位。即刻睇睇有咩食，都系越南特式捞檬粉，汤粉，饭咁。套餐大概$50-60连饮品，午饭来说中位价钱。今次就选左炭烧猪扒汤檬粉试试啦！猪扒同檬粉系分碟上既，猪扒已经切开左，唔会成大块咁要自己切，面头仲有好多葱同炸蒜，超香口，仲要炭烧味好香，已经觉得好吸引。猪扒入口肉质好好，半肥瘦，而且冇乜骨，最岩唔钟意食骨既人，而且烧汁酱都好味，味道都适中，唔会太咸。檬粉汤底就正常，可以自己添加小小辣椒醋增加味道，但我觉得唔加就咁清汤都好味，檬粉都好大碗，同价钱相乎啦！结算人均消费$65。可以接受