Lucky Ristorante (已結業)

今日朋友带我嚟旺角上海街呢个活化嘅618商场，原来而家装修得咁靓又多特色餐厅，我哋就拣咗其中呢一间Lucky Ristorante食个悠闲嘅lunch。餐厅嘅假天花吊满咗一串串嘅干花，所以未入餐厅已经俾佢嘅香气吸引住。午市套餐价钱都唔贵。下次晏啲嚟仲可以试吓呢个下午茶小食餐牌。跟餐可以选择汤或者沙律，是日餐汤粟米汤系用新鲜粟米打成，仍然保留部份粟米蓉，令口感更丰富。沙律除咗有沙律菜之外，仲有柚子、粟米同车厘茄，味道份外清新。全日早餐All the Breakfast嘅卖相都几吸引，有齐肠仔、炒蛋、沙律菜、烟肉、薯饼、蕃茄、茄汁豆、多士同大啡菇。薯饼系紫薯薯饼，特别得嚟又好食。炒蛋炒得又香又嫩滑，放喺蒜蓉牛油多士上面份外好味。另外我哋想食牛扒，所以就拣咗纽西兰顶级肉眼香草烧汁，薯菜系意大利黄瓜同薯条。虽然系肉眼扒，但系肉质劲度十足，非常有口感。最后我哋都不约而同拣咗mocha。虽然如此，但两杯咖啡嘅拉花都唔同，睇得出店员甚有心思。