船皇 (謝斐道) (已結業)

系香港都食过好几间船面，大部份都系几难食下，汤底大多淡而无味，最好食嘅一定系系湾仔蓝屋附近果间，虽然系好食但都几贵下，成百几蚊碗，所以一直都希望可以系香港揾到间性价比高嘅船面。加上上个月去完泰国，食咗碗好好食嘅船面，个心都成日挂住，见到有人介绍呢间新开嘅船面餐厅，就特登出铜锣湾去试一试。道道𩠌都想食，所以拣咗咩都有啲嘅船皇汤面。碗面卖相唔错，睇上去啲𩠌都好足，又有牛肉，鸡翼，猪肉，猪肉丸等，个汤底好得！有我系泰国食嘅8成！够浓够香够野味！系我咁挂住泰国船面嘅时候食到佢，我觉得好感动，好满足！呢58蚊我觉得值得比！泰国奶茶用咗个特别银器载住，几特别，但略嫌太甜。汤面本身系有几款面底可以拣，因为我对任何宽面情有独钟，再加上觉得河粉应该会吸汤啲，所以我拣咗宽河粉，可惜，啲河粉有8成都系痴到咁（如图上）似食紧「粉件」多过「粉条」完全影响到碗面，系呢碗面嘅不足之处。虽然我始终都觉得湾仔蓝屋果间好食啲，但计埋价钱，我都系觉得呢间值得食多啲！