亞坤 (已結業)

以往每次出差去星加坡，都一定去一间当地既亚坤食番个Kaya Toast Set，返到香港总系念念不忘咖椰多士既好味道，其他什么ToastBox都总系吃唔到果种原汁原味。两个星期前知道左亚坤空降香港，今日终于得闲同老婆一齐去试试，下昼1点25分去到，排晒长龙，无派number一定要排。结果排左一个钟头至可以入去，我去揾位老婆去买野食。D座位好大，但台櫈摆得好密，"吋步难行"，又无人带位，兼有人偷鸡入去霸位，有D混乱；买野食系半自助既，饮野自己拎埋位(同星加坡一样)，食野等佢送埋来。我点左 招牌咖椰多士 + Tea-C (无set要单点)，老婆要 咖椰花生多士 + 柠檬薏米水 (都系星加坡经典饮品之一)。先讲饮品，两个字：唔掂！奶茶(Tea-C)茶味太涩，奶又唔够，仲难饮过大家乐果杯奶茶。薏米水完全无味！又见唔到柠檬，要要求加返片柠檬，... 餐具洗唔切，要逐件问佢拿...至于招牌咖椰多士，好彩~ 味道同星加坡食到既基本上一样！系薄薄一片，好多既咖椰酱同牛油，好味！总算无浪费我专程来一趟。咖椰花生多士都好好味，有水准。至于服务哩，就依然有待改善。厨房做唔切，执台执唔切，守门口果个守唔住..