Spiaggia

营业中

休息中

话说有一年圣诞谂住入去赤柱行吓食吓野点知入到呢一间西餐厅门口个阿姐都仲几有礼貌但入到去分别有两个啊姨加一个阿伯非常冇礼貌以下分别系几个事例事例一 其中一位阿姐落单嘅时候完全望住你向住部机净系挂住入单根本完全听唔到佢讲乜嘢 而且态度亦都唔良好 同佢讲要个餐佢就问你饮咩汤先完全九唔搭八事例二另一位短发阿姐更加冇礼貌 因为想要食药有冇水问佢可唔可以俾杯水 唔知佢话水系冇嘅因为今日星期日要嘅就自己俾钱买或者自己带其实我哋都明白有时候餐厅冇水一句唔好意思冇水咪搞掂啰 无需要加后面一连串无意义嘅说话事后隔离枱向一位讲英文嘅外籍侍应攞水又比嘅事例三 去到买单𠮶位阿伯好似唔想过嚟买单一样 铺头亦唔算多人其实佢好得闲 俾你签名嘅时候又冇礼貌就咁样掉低 而且当我个朋友要起身推后张凳嘅时候 佢竟然系推翻张凳撞下我朋友 虽然唔系话顾客所有嘢都啱 但系系间餐厅入边系咪都应该有个顾客离开先尼 环境麻麻哋枱与枱之间非常之迫 完全听到隔离讲乜 而且食物又唔够热 味道冇乜特别非常一般奉劝大家如果既然入得黎赤柱想浪漫一番嘅话 千祈唔好入嚟呢间餐厅食嘢 四个字形容晒不知所谓