樂園魚旦專家 (淘大商場1期)

营业中

休息中

九龙湾淘大商场出名多嘢食有唔同种类餐厅，最近有朋友推荐我话有间喺淘大嘅乐园鱼蛋专家，食材用料优质，于是要试吓。一个人放工唔想煮饭，最啱就系落街食碗面，叫咗碗牛腩炸酱捞面，好多年都冇食过港式炸酱，轻微甜辣的酱汁，混合猪肉丝，独特嘅红色，非常滋味久违了的港式风味。我谂要用上新鲜牛腩，炆得非常软腍，淡淡柱侯嘅香味，配上爽口捞粗面，冇乜碱水味非常惹味。另外仲加咗$13叫咗个油菜，可以选择唔同嘅蔬菜，今次拣咗腐乳通菜，平时出街食个菜都唔平，呢度只需要$13非常抵食。另外仲可以加$8有冻饮，一个人静静地食碗面再返屋企休息，非常舒服。乐园鱼蛋专家喺各区都有唔同嘅分店。淘大分店近位地铁站附近步行过去，只需要两三分钟。