麺屋武一 (已結業)

又一日本拉面过江龙登陆香港 面屋武一，开业只有一个月左右，店家主打鸡白汤拉面，强调汤底同配料鸡叉烧，鸡肉丸由日本直接入口，我点左浓厚酱油拉面$88，配料有鸡叉烧，鸡肉丸，半熟蛋要加钱$12，汤头入口的确鸡味浓厚夹带住微微酱油香味唔错，面系幼面，几爽几滑，但鸡叉烧同鸡肉丸就比较一般鸡叉烧肉味淡有啲鞋口，半熟蛋亦煮过时间太熟，仲有洋葱碎入口有啲乸口(应系系部分太大粒唔够幼细，刀功问题，如果用紫洋葱效果可能会好好多，纯粹个人意见)其实一间食店除左食物质素重要外，服务亦好重要，我坐bar枱隔离仲有两位食客，当佢哋埋单走左后啲面碗竟然无人收，𠮶时其实唔忙连埋我只有三位客人，服务员行过去只系将面碗叠起就走左去，去左边？就系去左收银附近食嘢，你系咪真系咁肚饿呀？执几只碗抹下张枱要几耐时间呀？呢啲本身就系你工作啦，唉…话晒都系日本品牌过嚟香港开店点解会做得咁差，如果当时有其他食客入嚟见到真系好难睇，一枱都系碗无人收但服务员系喺度食紧嘢㖞，难怪香港拉面业做极都唔好啦，就算几出名嘅日本品牌拉面嚟到香港一样做唔起，就系多得呢班人，希望有关方面真系留意下。