牛一 (利港商場) (已搬遷) 新店位置

难得入去香港仔探朋友，天气凉凉地本身谂住食稻香。点知上到去见到新开的牛一，而且唔需要等8点半已经任食，当然系选择牛一啦。今次我地选择左极上美国牛肉加豚肉，豚肉质地一般，但美国牛比起一般肥牛更有肉味，而且唔会鞋口，2个人最后食左6大碟，已经觉得值回票价。除左肉类外仲有个摆得好精致的自助bar,有好多唔同种类的食品，最特别系出奇地多疏菜，而且属于一般少见的。而食完野食，仲有自助雪糕机，有两款唔同口味，特别推介好立克味雪糕，因为出面好难好到，仲有十几种唔同配料可加，钟意食雪糕的一定要试啊。