影片
更多
2013-11-05
1768 浏览
曾经去过韩国釜山的鱼市场，先在地下鱼市场即场拣生猛海鲜，然后再到上层的餐厅选择煮法即时炮制，一试难忘，又有地道特色。香港也出名食海鲜，大多数人提起食海鲜都系去西贡，但从事渔业的朋友告诉我原来西贡的海鲜大部份都是来自香港仔鱼市场。这天家人生日，知道香港仔鱼市场内原来有间海鲜餐厅，决定光临一试，看看香港的鱼市场跟釜山的鱼市场到底有何分别。不过book位时先知原来只得午市，无晚市提供的。约12时半到达，原来餐厅的面积都唔细，比想像中光猛，附近有枱客好似系鱼市场d工人，又有几枱好似系我地呢d街外客，清一色都系叫海鲜，再加d小菜。我地一行四人，问伙记有咩新鲜必吃介绍，佢话今日d虾同扇贝都好靓，又问我地食唔食鱼，我话我地得四个人，食唔到大条鱼，佢就推荐我地一条野生瓜子斑，斤几重，仲即场攞黎俾我地睇，真系几生猛。倾倾下原来先知佢系老板，就试下啦。先来个白灼虾，d虾系中虾，唔算好大只，不过好鲜甜，仲有好多橙色既膏，同个香辣豉油好夹，真系食唔停口，正正!!!第二道菜系香口的椒盐鲜鱿，同白灼虾真系好唔同，d鲜鱿份量好足，好香口，又唔会太咸，味道刚刚好。再谂起都觉得好味，如果下次再去，一定要encore!!
香港也出名食海鲜，大多数人提起食海鲜都系去西贡，但从事渔业的朋友告诉我原来西贡的海鲜大部份都是来自香港仔鱼市场。
这天家人生日，知道香港仔鱼市场内原来有间海鲜餐厅，决定光临一试，看看香港的鱼市场跟釜山的鱼市场到底有何分别。不过book位时先知原来只得午市，无晚市提供的。
约12时半到达，原来餐厅的面积都唔细，比想像中光猛，附近有枱客好似系鱼市场d工人，又有几枱好似系我地呢d街外客，清一色都系叫海鲜，再加d小菜。
我地一行四人，问伙记有咩新鲜必吃介绍，佢话今日d虾同扇贝都好靓，又问我地食唔食鱼，我话我地得四个人，食唔到大条鱼，佢就推荐我地一条野生瓜子斑，斤几重，仲即场攞黎俾我地睇，真系几生猛。
倾倾下原来先知佢系老板，就试下啦。先来个白灼虾，d虾系中虾，唔算好大只，不过好鲜甜，仲有好多橙色既膏，同个香辣豉油好夹，真系食唔停口，正正!!!
第二道菜系香口的椒盐鲜鱿，同白灼虾真系好唔同，d鲜鱿份量好足，好香口，又唔会太咸，味道刚刚好。再谂起都觉得好味，如果下次再去，一定要encore!!!!
第三系老板推荐的扇贝，阿爸钟意食，所以叫多左份量，上左枱后有少少后悔，因为d份量真系好多，惊食唔哂!! 阿爸系主角，一人包办左四只，睇得出佢真系好钟意食。个扇贝本系d鲜味好重正，好夹粉丝的味道。我本身好钟意食粉丝，如果佢d粉丝份量再多d就会更好。
连续食左三碟海鲜，当然要点返碟菜中和下，叫左碟清炒芥兰，份量好足，唔多油，都几好味。
最后压轴当然系蒸瓜子斑，老板话好罕有，唔多地方有，上枱时候成条鱼圆碌碌身型，都估到相当肥美。d鱼肉好白好滑，有浓烈既鲜鱼味，生熟刚刚好，我地都系第一次食，真系一试难忘。
食完阿爸都好满意，价钱都好公道，同个老板仲好好倾，都唔错，下次可以再光顾。虽然个鱼市场同釜山既鱼市场唔同，不过d海鲜都系一样咁新鲜，食完一家人仲在鱼市场行左个圈，睇下周围环境先走。张贴
