粗菜館

营业中

休息中

粗菜馆，其实一啲都唔粗～只系用料平实，就系平常百姓家会食嘅嘢～但系偏偏凭住出色嘅手艺，每一味菜式都做到叹为观止！！今日就同老细嚟试下啲香港传统地道经典……一坐低就叫咗菜牌第一页嘅几个招牌菜！！招牌炒猪杂：呢个得到蔡澜加持嘅招牌菜，一定要试！！一上枱，好浓烈嘅酒香，所以全部猪杂都唔会有内脏嘅腥味，而且好欣赏佢嘅肉质：猪润、猪肚、猪腰、猪肠……每一种食材嘅口感都炒得非常好，有爽嘅、有滑嘅、有弹牙嘅～其实送啤酒真系一流！招牌炒鱼腩：用嘅鲩鱼好大条，鱼腩好厚实，啖啖肉！！而且走油后令到鱼皮脆卜卜，仲要一赞嘅系伴碟嘅蒜子、姜同葱，都非常惹味，忍唔住要食埋！！蜜味东坡骨：一字骨煮得非常冧，而且好入味，佢嘅酱汁甜甜地，好送饭！！红烧豆腐配粗菜：布包豆腐过油后，内里仍然香滑，菜底用咗唐生菜，有独特嘅甘香味！细煲老火汤：话细其实都唔细，今晚系青红萝卜粟米煲猪骨，上枱非常震撼！！😱因为成个煲入面都系滚到起泡㗎！！汤底十分之清甜，除咗青红萝卜粟米同猪骨外，应该仲落咗蜜枣，饮落好润喉，唔经唔觉一碗接一碗，而且好肯定：一粒味精都冇！！猪油捞饭：呢个真系冇理由唔试下～～虽然十分邪恶，但系佢入口𠮶种甘香，系会令到你