忠孝東路

营业中

休息中

忠孝东路，一听就知道系台北街道嘅名字。虽然呢度嘅环境设计唔太感觉到有台湾特色，望落只系一间普通餐厅，但简约木色系整体感觉系几舒服嘅。因为朋友系食素嘅关系，我地点嘅菜式绝大部分都系非肉类。首先系台式皮蛋豆腐($45)豆腐入口非常嫩滑，配上溏心皮蛋同埋咸咸甜甜嘅酱汁一齐食非常开胃。卤水糖心蛋($28)蛋黄晶凝通透而且呈半流心状，味道较甜。樱花虾爆包心菜($68)菜炒得十分香口，充满镬气，惟整碟菜偏向多油。如果落少D油去炒感觉会light D健康D。香酥排骨汤面($73)猪扒炸得金黄香脆，肉松软，而且份量够哂大。汤面选用左较粗身嘅上海粗面，汤底非常清淡，配上香口嘅猪扒一齐食岩哂！好满足嘅一餐