流記香港仔艇仔粉

营业中

休息中

当我好细个时，跟著爸爸在筲箕湾船上工作，到下午茶时段食过「艇仔粉」后，一直都无食过，现在筲箕湾避风塘唔知仲有冇「艇仔粉」呢？其实想食「香港仔艇仔粉」好耐。但有时享受食物亦要有缘相聚，因为有几次去开香港仔想食，但已经收档，因为阿叔预备的食材卖晒就无。今日天气冻冻地，一于又再去啦。今次终于食到啦，但系食材唔系净太多，本身想要红肠都卖完，但用咗厨师肠代替。呢度先系「即叫，即做，即食」阿叔新鲜煮完，我即刻坐在码头边享受，仲有咁靓海景伴著，真的好开胃。讲番食物先，个汤底真系无得顶，热辣辣，十分鲜甜入味。白鱼旦爽口，河粉渌得刚刚好，不会太淋。其实放假无嘢做，去食个「艇仔粉」，又可以近近地接触吓海水，欣赏吓香港风情，令人可以舒缓下压力。