長洲角酪 (已搬遷) 新店位置

长洲角酪想试咗好耐，但有几可入长洲吖，而家尖沙咀有，坚开心。叫咗个甘露角酪，畀多两蚊加份紫糯米。杯饮品真心好饮，乳酪味浓，酸味味中带有奶香，口感够稠，唔会水汪汪，香港唔多饮品店做到呢个水准。入面嘅芒果，红西柚同鲜柚子份量都算多，啖啖果肉，好正😍。至于紫糯米微甜，口感软糯，同杯饮品意外地夹。值得一提，杯上面有片小小嘅红叶，造型讨好，非常吸睛。