影片
更多
2024-07-01
93 浏览
有一个好消息同一个坏消息同大家分享，好消息就系我终于嚟度长沙湾呢间新素食餐厅 + 猫 cafe 「毛所树树」食嘢喇 👏🏻👏🏻，坏消息就系返到屋企谂住执吓啲靓相出 post ，先发现相机原来冇插咭㖞，问你死未？😆无耻嘅我 post 就照出㗎喇（同啲职场老鬼一样愈做愈 hea 🌞)，好彩我拍片同影餐牌都系惯咗用手机嘅啫（我谂返头先有一刻闪过不如片都用相机拍，质素会好啲，好彩冇咁做啫，一额汗 😅）。其实几可惜，因为有啲相影到食物同猫猫一齐，我觉得几钟意的。🥲入餐厅前原来要先用部机套鞋袋，都唔算好麻烦。餐牌上食物种类好多，饭，意粉，汉堡，pizza，三文治，沙律，甚至铁板素牛扒都有。😎真汉子就试咗「芝士爆浆韩式素部队锅」一人份 $92，二至三人份就 $148。其实一人份都好大锅，可以叫嚟两个人食，一百蚊唔使真系非常抵食。👍🏻虽然餐牌冇写，但芝士其实系纯素芝士（问店员嘅，我冇咁叻识得分 🤣）。汤唔算好辣，面系韩式即食面，捞埋啲芝士好好食（其实唔问我真系以为系普通芝士）。配料丰富，有肠仔，肉丸，火腿，菜，洋葱，入面仲有只鸡蛋。估唔到冇餐肉，反而有好像真嘅腩肉片。🐽主食可特价加购饮品或小食，我就加
无耻嘅我 post 就照出㗎喇（同啲职场老鬼一样愈做愈 hea 🌞)，好彩我拍片同影餐牌都系惯咗用手机嘅啫（我谂返头先有一刻闪过不如片都用相机拍，质素会好啲，好彩冇咁做啫，一额汗 😅）。其实几可惜，因为有啲相影到食物同猫猫一齐，我觉得几钟意的。🥲
入餐厅前原来要先用部机套鞋袋，都唔算好麻烦。餐牌上食物种类好多，饭，意粉，汉堡，pizza，三文治，沙律，甚至铁板素牛扒都有。😎
真汉子就试咗「芝士爆浆韩式素部队锅」一人份 $92，二至三人份就 $148。其实一人份都好大锅，可以叫嚟两个人食，一百蚊唔使真系非常抵食。👍🏻
芝士爆浆韩式素部队锅
$92
10 浏览
0 赞好
0 留言
虽然餐牌冇写，但芝士其实系纯素芝士（问店员嘅，我冇咁叻识得分 🤣）。汤唔算好辣，面系韩式即食面，捞埋啲芝士好好食（其实唔问我真系以为系普通芝士）。配料丰富，有肠仔，肉丸，火腿，菜，洋葱，入面仲有只鸡蛋。估唔到冇餐肉，反而有好像真嘅腩肉片。🐽
主食可特价加购饮品或小食，我就加咗 flat white （唔记得几钱，剩系记得转燕麦奶加 $4），同小食「意式炭烧杂菜素芝士墨西哥饼」原价 $58 加购价 $38，呢个唔止系纯素，仲系无五辛㗎。🍕
咖啡就正正常常啦，炭烧饼就烧得几㶶，黑黑哋咁，虽然唔健康但几香口，个汁甜甜酸酸几开胃，馅料系三色椒丝。各位唔好意思，呢个小食冇用手机影所以冇图，好彩部队锅条片影到少少。🫣
点解咁迟先嚟试呢？因为我唔系太熟悉猫，又未至于惊嘅，不过唔系好知点应付佢哋。我觉得佢哋应该感应到我呢股能量，因为不断有猫跳上我张枱，又跳上我摆响对面位响 Ikea 买果袋嘢上面。初初都 okay 觉得几得意，但当张枱有咖啡，店员又拎紧个部队锅比我，而啲猫都仲响我张枱唔愿走（讲紧只猫系劲大只霸咗半张枱嘅 size），真系令我有啲不知所措。🤡
不过食食吓发现啲小朋友先系终极 boss，因为佢哋追住啲猫，有啲又吓吓佢哋（嗱，咁系唔啱㗎），开始戥啲猫惨。😭😭
张贴
