鳥居居酒屋

营业中

休息中

不嬲好中意食日式居酒屋嘅串烧，每次想食嘅时候鸟居都会系我地首选😋6点左右上去，无订位都有枱。一坐低就上左个鲜菜沙律，可以点味噌酱食。食串烧点可以无生啤呢？叫左杯Suntory生啤，入口唔算苦。本身对烧鸡髀菇无太大期望，点知又几好食，烧完都唔会好干，仲系好多汁。盐烧牛肉每次都会叫，无太多调味料，简单盐同胡椒，牛肉唔系太厚但烧完都好多肉汁鸡翼都系每次必点！鸡皮烧到好脆但唔系㶶，食嘅时候啲鸡油同肉汁会流晒出黎，好好食！芝麻鸡肉串相比起就普通左啲，鸡肉都系多汁嘅，主要系麻酱嘅味道我几中意梅子鸡肉串，上面嘅梅子酱酸酸地，再加左块紫苏叶一齐烧，就算食几串都唔觉腻😋😋😋依度嘅串烧都系两串起，而一坐底上嘅鲜菜沙律都系要计钱嘅，要留意喔。