超級食得開心

营业中

休息中

其实每次嚟都真心唔知呢间舖头叫乜名，但因为每次同d艺术圈人行完galleries, 甚至Art Basel 时期呢度更一席难求，之但系真系好似系泰国大排档，但食物卫生感觉比泰国真正大排档安全。(唔系系香港做唔到咁多年挂)晏昼真系好多车好多人，而且位少，真系买外卖好过，但真系要堂食先试到佢镬气有几咁加强食物嘅味道！无论乜时段d小菜同面呀小食呀全部即叫即做，当然有人会话佢d串烧已经做好，咁...无计啦，系香港叫人等多阵都应该俾人投诉...泰式生虾系必食，因为每次都系新鲜鲜甜，唔怕卫生问题。有d铺头嘅生虾可能解唔切冻，但我系呢度可能好彩，每次都无雪味！海鲜湿炒河都好正，𠮶汁好惹味，海鲜又新鲜，好有镬气！不过一上枱已经挂住食，无影相。咁平心而论，大家又唔好期望d炒菜(蔬菜)有d乜出色，因为，间间都系咁炒...另一个好处系，可以去转角买自己钟意饮嘅啤酒，始终，每个人对都有自己嘅口味！