祥興記上海生煎包 (已結業)

呢间野已经唔系第一次黎，店舖小小但客似云来，可算是川龙街最旺的食店。外观无咩好影正常餐厅一间，我地直接入正题啦！间野半自助式咁，门口落单之后自己揾位坐低就会有人拎野比你食。服务一般，唔叫差但就一定唔系好好，似老麦咁。今次我地只叫左生煎包同两杯柑桔汁，因为上次已经食过佢个粉丝，完全无惊喜所以无再叫，想食饱ｄ其实可以叫埋，但我建议你食多４个生煎包会更好。姐姐好快手9秒99就比左两杯柑桔汁我地台湾柑桔汁 - 品道就一般，好个人口味差异，但唔系难饮。不过唔知点解饮完仲渴。。。。。生煎包 - 上碟无卖相可言，可想而之佢系全打实力派。咬开几多汤，底皮脆口、肉汁浓，佢仲加左黑白芝麻多左阵香味，仲可以点豉油加豆瓣酱会唔同效果。因工作关系成日去上海，而上海的生煎包其实比香港好食好多陪，我指求其入一间都好食过香港。但呢间野系香港可以算整得最好食的头几间。咁岩我地坐位睇住厨房，可以见到姐姐点整生煎包。动作超快唔洗１５分钟就煎好一底要食新鲜就要睇彩数，但我可以肯定话你知，新鲜好食好多倍。甲为我有一半是新鲜整起的最后呢餐只系食左$76蚊，唔算贵。整体而言，呢间系我觉得值得回头食的餐厅。