粗菜館

营业中

休息中

梅菜扣肉呢个梅菜扣肉唔可以话系肥而唔腻，而系一啲都唔会腻，系我食过最唔油腻嘅梅菜扣肉。而且可以见到汤嘅表面油都唔多，唔似好多梅菜扣肉炖到稀烂，一夹就散。呢间可以轻松夹起一整块，肉炖到软烂但仲保有筋骨，配埋香香嘅梅菜同埋酱汁，一口一口停唔到口！炒猪杂 好有镬气，炒得入味，内容好丰富！有猪心、猪肝、猪肚、粉肠、小肠，处理得都好好冇异味。猪心有啲脆，猪肝嫩嫩，猪肚完全嚼得烂！猪油捞饭 比之前食嘅猪油捞饭好十条街！话系猪油捞饭但系完全唔会觉得油哈哈，呢间嘅猪油好香好香，再加啲特制豉油，直接食饭都香到迷糊咗。蚬蚧炒牛肉 牛肉新鲜，镬气十足，蚬蚧炒得偏重味，酱香浓郁。微辣秘汁炒蚬 炒得微辣，秘制酱汁好入味。