麺家金鰭

营业中

休息中

讲起鲷🐟白汤拉面，可能十个有九个都会讲得出中环间《○de▽》神店，不过原来，有勇气同能力做鲷🐟白汤嘅店原来唔只佢一间。呢间《麺家金鳍》系我无意中发现，所以一探究竟。《浓厚鲷🐟白汤拉面🍜》香味 (3/5) - 鱼香味都算明显，同埋有阵烧烤味，应该系来自d鱼肉。面条 (3/5) - 中细面与中太面之间，直身，算爽口，麦味正常。汤 (3.5/5) - 鱼汤味相当的明显，同响屋企煲鱼汤嘅味道有 d 似。非常多泡，口感顺喉丝滑，对得住白汤嘅个term。浓度咸度都系刚好，几好味嘅。配料 (3/5) - 先讲鱼肉，同上面提过间神店有异曲同功之妙，都系有烧过，鱼肉够甜，几好食。猪叉烧方面，应该用五花肉部分，非常薄切，口感麻麻地，肉味唔够。汤入面加左 d 彩色嘅粒粒，个名叫"五色玄米粒"，好肯定系用糯米造的，有烟烟韧韧口感，对味道冇贡献，对口感层次系有提升。溏心蛋方面，正常好食，生熟度有控制好，不过冇特别去调味，味道偏淡。整体 - 值得小推荐 👍👍👍点解小推，最主要系因为响香港，想食鲷鱼汤拉面唔容易，而我认为佢都系有心机，整体无论味道同口感都算唔错。