Cuisine Culture

营业中

休息中

之前一直想食呢间朋友介绍系朗豪坊附近嘅法国菜，今日食完觉得性价比好高！地理位置都好方便，如果想揾一啲价钱合理嘅法国菜食吓，不妨试吓呢间餐厅～烟三文鱼牛油果沙律好大碟～ 都有几多烟三文鱼，亦有唔同沙律菜，红蕃茄仔，黄蕃茄仔同牛油果，全部都好新鲜，沙律醋酸甜度适中，系一个几开胃嘅沙律。焗法式地道古也芝士洋葱汤非常浓郁嘅一个洋葱汤 ！再加上浓郁嘅芝士，块面包完全吸晒芝士同埋洋葱嘅香味，整体成个汤都好有质感，推荐！海鲜墨鱼意粉海鲜都相当丰富，有鲜虾同埋带子同埋青口 ，所有海鲜都好新鲜，只虾又大又鲜甜，肉质弹牙，意粉煮得啱啱好，仲好爽身，酱汁味道比较特别，再加埋蕃茄嘅酸甜味，第一次食呢种比较清新嘅墨汁意粉～香草烧黑毛猪鞍架配焗薯黑毛猪安肉质有一定嘅保证，再加上烹调嘅时间啱啱好，入落口仲好Juicy，仲要淡淡猪嘅油香，另外佢个薯仔好特别好好食！问返师傅原来用咗鸭油焗！所以有阵油香包住粒薯仔，推介！酥皮苹果批配雪糕新鲜焗起嘅苹果批，酥皮非常酥脆！而中间苹果焗到好软熟，再配上伴碟一啲甜甜酸酸嘅酱汁食，好夹！钟意食苹果批一定要叫！