鰻一炭燒鰻魚飯

营业中

休息中

香港极少有鳗鱼专门店，见到旺角有间专食鳗鱼就特登过嚟试吓。铺头唔大，入面有玻璃窗可以见到师傅用炭火烧鳗鱼。除咗鳗鱼，其实仲有其他食物，牛舌、牛肉、天妇罗、串烧等。但系重点一定系佢哋嘅白烧同蒲烧鳗鱼饭。叫咗一个蒲烧鳗鱼饭(大)鳗鱼两排铺满长方形饭盒，仲有紫菜同炸鳗鱼骨粒点缀。鳗鱼非常之淋而且非常有油香，鳗鱼皮胶质好重，同平时啲行货好大分别。枱面调味料有七味粉、山椒粉、盐、鳗鱼汁。小食之中，炸鳗鱼骨同炸鳗鱼都好好味。鳗鱼用咗近尾部啲骨，比起饭面啲更加香脆。炸鳗鱼可以拣香辣或者紫菜味，食落口味似中式炸物，但系好食嘅。