Pivo Czech Bar (已結業)

香港冇乜捷克嘅餐厅，位于九龙站上盖嘅圆方就有一间啊，呢间餐厅喺平台嘅花园，喺里面食嘢，坐喺窗边系阳光充足，望见出边嘅小朋友为主喷水池跑，环境系唔错嘅，令你暂时忘记市区嘅繁嚣。我哋叫咗个肉酱贝壳粉，好多肉粒，佢系用 mac and cheese 嘅方式整成，所以上面铺满左拉丝嘅芝士。味道都OK，不过可能我哋都唔系太习惯东欧嘅食物，所以感觉一般啦。另外仲叫咗个蟹肉意粉，呢个就真系正呀，非常之多嘅蟹肉丰富，再配埋番茄汁，番茄汁有少少咸咸酸酸，系开胃嘅。我同朋友抢住食，好快就食完呢个啦。朋友叫咗杯热嘅卡布洛奇, 我就叫咗杯冻嘅拿铁。呢间餐厅食物OK，不过价钱略为昂贵，两个女仔叫咗两个面两杯咖啡，都唔算好饱，就已经要$600买单，相信都唔会再嚟多次了。而且整体感觉卫生情况一般。