影片
更多
2024-01-05
71 浏览
突然间好冻，天气冻就会好想食米线！呢晚去咗小玛哥米线 ，原来原店「阿诗玛云南风味轩」大有来头，喺太古开业23年，储落不少熟客！米线汤底一共有5款选择，分别系金牌小锅汤米线、鲜菌蕃茄汤米线、香辣凉拌捞米线、豆花炸酱捞米线及猪骨清鸡汤米线。各自都可以拣2-4款配菜，丰俭由人。豆花炸酱捞米线（三𩠌$72)香港好少地方有得食豆花炸酱捞米线，当然要试吓！ 就咁听豆花配炸酱好似风马牛不相及，但食落却发觉味道好夹！滑溜嘅豆花刚好中和左炸酱嘅腻感，入口仲多佐滑捋捋嘅口感，好食！配菜我拣咗鱼腐、白菜饺及弹牙虾球(+$8)，虾球略为失望，如果有d调味会更好！金牌小窝汤米线（四𩠌$79)汤底麻香，第一啖先食到香味，落到喉咙却麻麻辣辣，非常过瘾刺激，汤底做得唔错！配料有鸭血、麻辣腩肉、麻辣肥肠同竹笙，腩肉略嫌比较薄切，厚身一点会较有口感！米线都免费跟咗热柠水或者糯米香茶，糯米香茶值得一试，解辣解腻一流！小玛哥除咗米线出名，呢度仲有另一个招牌名物—山珍气锅鸡 。价钱少贵，个确系好足料，吸收晒唔同材料嘅精华，超级鲜甜！饮完成个身都好暖！
米线汤底一共有5款选择，分别系金牌小锅汤米线、鲜菌蕃茄汤米线、香辣凉拌捞米线、豆花炸酱捞米线及猪骨清鸡汤米线。各自都可以拣2-4款配菜，丰俭由人。
豆花炸酱捞米线（三𩠌$72)
香港好少地方有得食豆花炸酱捞米线，当然要试吓！ 就咁听豆花配炸酱好似风马牛不相及，但食落却发觉味道好夹！滑溜嘅豆花刚好中和左炸酱嘅腻感，入口仲多佐滑捋捋嘅口感，好食！配菜我拣咗鱼腐、白菜饺及弹牙虾球(+$8)，虾球略为失望，如果有d调味会更好！
金牌小窝汤米线（四𩠌$79)
汤底麻香，第一啖先食到香味，落到喉咙却麻麻辣辣，非常过瘾刺激，汤底做得唔错！配料有鸭血、麻辣腩肉、麻辣肥肠同竹笙，腩肉略嫌比较薄切，厚身一点会较有口感！
米线都免费跟咗热柠水或者糯米香茶，糯米香茶值得一试，解辣解腻一流！
小玛哥除咗米线出名，呢度仲有另一个招牌名物—山珍气锅鸡 。价钱少贵，个确系好足料，吸收晒唔同材料嘅精华，超级鲜甜！饮完成个身都好暖！
张贴
